Қазақстанда техникалық және кәсіптік білім беру жүйесін жаңғыртуға бағытталған ауқымды жұмыстар жалғасуда. Басты басымдықтардың бірі – жастарға сапалы білім алуға мүмкіндік беретін заманауи әрі қолайлы білім беру ортасын қалыптастыру.

Бұл туралы Үкімет отырысында Қазақстан Республикасының Оқу-ағарту министрі Жұлдыз Сүлейменова мәлімдеді.

Заманауи колледждерде білім алушылардың теориялық білімін тәжірибемен ұштастыруына, өндірістік оқытуға және жұмыс берушілердің нақты талаптарына сәйкес кәсіби дағдыларын дамытуға мүмкіндік кеңейеді.

Бұл бастаманың маңызы:

• білім беру инфрақұрылымындағы тапшылықты азайту;

• колледждердің материалдық-техникалық базасын жаңғырту;

• еңбек нарығына қажетті мамандарды даярлау сапасын арттыру;

• жастарға заманауи білім беру ортасын қалыптастыру;

• жұмыс берушілер мен колледждер арасындағы байланысты күшейту;

• техникалық және кәсіптік білім берудің беделін арттыру. болып табылады