Қырғызстан Республикасындағы Т. Ерматов атындағы музыкалық-педагогикалық институт базасында тәжірибеден өтіп жатқан Халықаралық “ORDA” жоғары колледжінің студенттері №93 орта мектебі (Арша-Бешік ауданы) және №62 мектеп-гимназиясы базаларында педагогикалық тәжірибеден өтті.

Тәжірибе барысында олар мектеп құжаттамаларымен танысып, оқу-тәрбие үдерісінің ұйымдастырылуын, сабақтың құрылымын және оқытудың заманауи әдіс-тәсілдерінің қолданылуын зерделеді.

Студенттер сабақ жоспарлау ерекшеліктерін бақылап, бағалау жүйесін талдап, сыныптағы оқушылармен тиімді қарым-қатынас орнату жолдарын меңгерді. Сонымен қатар мұғалімдердің кәсіби қызметіндегі жауапкершілік, ұйымдастырушылық қабілет және педагогикалық мәдениеттің маңызын түсінді.

Халықаралық ортадағы бұл тәжірибе студенттердің кәсіби ой-өрісін кеңейтіп, педагогикалық шеберлігін жетілдіруге ықпал етті.