Халықаралық «ORDA» жоғары колледжінің АҚ-14г оқу тобында «Желілік технологиялар» пәнінен тәжірибелік сабақ өткізілді.

Сабақ барысында студенттер Cisco Packet Tracer бағдарламасын қолдана отырып, компьютерлік желілердің жұмыс істеу қағидаларын тәжірибе жүзінде зерттеді. Оқушылар маршрутизаторлар мен коммутаторларды баптап, IP-адрестеу мен деректер алмасу үдерістерін жобалау арқылы желілік инфрақұрылымның нақты жұмысын модельдеді.

Тәжірибе кезінде әр студент жеке желі жобасын құрып, оны бағдарламалық ортада сынақтан өткізді. Қателерді талдау, жүйелік параметрлерді реттеу және байланыс арналарын тексеру арқылы студенттер өздерінің техникалық және логикалық қабілеттерін көрсетті.

Мұндай тәжірибелік сабақтар студенттерге желілік архитектураны терең түсінуге, құрылғыларды кәсіби деңгейде конфигурациялауға және ақпараттық қауіпсіздік негіздерін меңгеруге мүмкіндік береді.