Қызылорда қаласында өткен «INNOFEST QYZYLORDA 2025» облыстық инновациялық жобалар фестивалі өңірдің креативті ойлы, ізденімпаз жастары мен өнертапқыштарын бір алаңға тоғыстырды.

Фестивальге Халықаралық «ORDA» жоғары колледжінің РОБ-9-14Г оқу тобының студенттері — Ерқасым Абдрахманов, Жұмасейтов Асланбек, Жұмабек Арнұр, Жарқынұлы Диас, Танабай Шындаулет қатысып, өздерінің инновациялық жобаларын таныстырды. Жетекшісі – арнайы пән оқытушысы Бухарбаева Айулу Баходиркизи.

Жас инноваторлар ұсынған жобалар заманауи технологияларды тиімді қолдану, цифрлық шешімдер арқылы қоғам игілігіне үлес қосу идеяларымен ерекшеленді. Іс-шара соңында студенттерге белсенді қатысқаны үшін арнайы сертификаттар табысталды.

Фестивальді Қызылорда облысы әкімінің аппараты мен «Ақпараттық технологиялар орталығы» КММ ұйымдастырды. Биылғы жылы инновациялық идеялар алаңы өзінің 5 жылдық мерейтойын атап өтті.