Халықаралық «ORDA» жоғары колледжі барша қазақстандықтарды ұлт тарихындағы айрықша мереке – 25 Қазан Республика күнімен шын жүректен құттықтайды!

Бұл күн – халқымыздың тәуелсіз мемлекет құру жолындағы тарихи таңдауын айқындаған, елдігіміздің бастауы болған ерекше күн. Республика күні – тек мереке емес, ол – әр азаматтың бойындағы отансүйгіштік рухты, елге деген сенімді, жауапкершілікті сезіндіретін күн.

Біз егемен ел болып, өз жолымызды қалыптастырдық.

Бүгінгі таңда Қазақстан – бейбітшілік пен келісімді ту еткен, дамуға бет алған мемлекет.

Бұл мереке – баршамызды бірлікке, ынтымақ пен татулыққа шақыратын күн. Өйткені Республика деген – әрбір қазақстандықтың ортақ үйі, ортақ тағдыры.

Еліміз аман, жеріміз тыныш, бірлігіміз бекем болсын!

Әрбір отбасының шаңырағында бейбітшілік пен береке орнасын! Жастарымыздың жүрегінде Отанға деген мақтаныш пен сенім нық болсын!