Ардақты ұстаздар қауымы!

Халықаралық «ORDA» жоғары колледжінің ұжымы сіздерді кәсіби мерекелеріңіз – Ұстаздар күнімен шын жүректен құттықтайды!

Ұстаз – тек білім беруші ғана емес, ол – шәкірт жүрегіне нұр құйып, өмір жолына бағыт-бағдар көрсететін шырақ. Сіздердің сабырларыңыз бен мейірімдеріңіз, жанкешті еңбектеріңіз арқылы талай жас өз орнын тауып, биік белестерді бағындырды. Әр шәкірттің жетістігі – сіздердің төккен терлеріңіздің, сарқылмас күш-қуаттарыңыздың жемісі.

Бүгінгі қоғамда ұстаздың орны ерекше. Сіздер болашақты қалыптастырып қана қоймай, жас ұрпақтың арманын ұштап, ізгіліктің, парасаттың дәнін себесіздер. Бұл – ең жауапты әрі ең қастерлі міндет.

Құрметті ұстаздар!

Сіздерге мықты денсаулық, ұзақ ғұмыр, еңбектеріңізге береке, шәкірттеріңіздің толайым табыстарын тілейміз. Еңбектеріңіздің жемісі сіздерді әрдайым қуанышқа бөлеп, өмірлеріңіз бақытқа толы болсын!