Құрметті техникалық және кәсіптік, орта білімнен кейінгі білім беру саласының қызметкерлері! Сіздерді 2 қазан — кәсіби мерекелеріңізбен шын жүректен құттықтаймыз!

Техникалық және кәсіптік білім беру — тек дағды мен машық үйрету емес, ол — тұлғаны қалыптастыру, еңбек мәдениетін сіңіру, өмірлік жолды таңдауға көмектесу. Сіздердің сабырлы ұстаздықтарыңыз, кәсіби шеберліктеріңіз, адамгершілік пен жауапкершілікке негізделген тәлімдеріңіз — мыңдаған шәкірттің жүрегінде із қалдырып, олардың өмір жолына жарық түсіреді.

Бүгінгі білім беру — тек дәстүрлі әдістермен шектелмейді. Сіздер цифрлық технологиялар мен инновациялық тәсілдерді игере отырып, білім мен өндірісті ұштастырып, заман талабына сай маман даярлауда үлкен үлес қосып келесіздер.

Осы мерейлі күні Сіздерге зор денсаулық, шығармашылық шабыт, кәсіби табыс және шәкірттеріңіздің шексіз алғысын тілейміз. Еңбектеріңіз еленіп, қоғамдағы мәртебелеріңіз арта берсін.

Ізгі ниетпен - Халықаралық "ORDA” жоғары колледжі